Երեց Ռոբերտ Դ. Հեյլսը հաստատվել է որպես Հիսուս Քրիստոսի Վերջին Օրերի Սրբերի Եկեղեցու Տասներկու Առաքյալների Քվորումի անդամ 1994թ. ապրիլի 2-ին:
Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Երեց Հեյլսը ստացել է իր կանչը որպես Բարձրագույն Իշխանավոր 1975թ. ապրիլի 4-ին: Նա ծառայել է որպես օգնական Տասներկու Առաքյալների Քվորումում, իսկ հետո որպես Յոթանասունի Առաջին Քվորումի անդամ: Նա 1985թ. ապրիլից Եկեղեցու Նախագահող Եպիսկոպոսն էր, մինչև որ կանչվեց Տասներկու Առաքյալների Քվորում:
Նախքան իր կանչը որպես Բարձրագույն Իշխանավոր նա հինգ տարի ծառայում էր որպես Տարածաշրջանի Ներկայացուցիչ: Նա նախկինում ծառայել է որպես ճյուղի նախագահ, եպիսկոպոս, քահանայապետ, բարձրագույն խորհրդական և ցցի նախագահի խորհրդական: 1970-ականների վերջին նա Անգլիա Լոնդոն Միսիայի նախագահն էր և ծառայել է որպես Կիրակնօրյա դպրոցի գերագույն նախագահության առաջին խորհրդական:
Նախքան որպես լիաժամկետ Եկեղեցու ղեկավար կանչվելը, Երեց Հեյլսը ունեցել է հիանալի կարիերա, աշխատելով երեք խոշոր ազգային կազմակերպությունների ղեկավար պաշտոններում:
Երեց Հեյլսը ծնվել է Նյու Յորք քաղաքում: Նա Յուտայի համալսարանի շրջանավարտ է և ունի բիզնես կառավարման մագիստրոսի աստիճան Հարվարդի համալսարանից:
Նա ամուսնացած է Մերի Քրենդելի հետ և նրանք ունեն երկու որդի: