| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
«Նա հարություն առավ» (Մատթեոս 28․6)։ Սա Զատիկի փառավոր ուղերձն ու Հիսուս Քրիստոսի՝ Աստծո Որդու հաղթանակի մեծ հիշեցումն է:
Փրկիչը հարություն է առել, ինչպես բոլորս հարություն կառնենք։ Նա տառապեց, որպեսզի սատարեր մեզ մեր փորձությունների մեջ: Նա փրկագին վճարեց մեր՝ Երկնային Հոր զավակների համար, որպեսզի մենք կարողանանք ազատվել մահից և մեղքից:
Հարության շնորհիվ մեզ տրված «կենդանի հույսը» (Ա Պետրոս 1․3) մեր համոզմունքն է, որ մահը վերջը չէ, այլ՝ մահկանացու կյանքից դեպի անմահություն տանող անհրաժեշտ քայլ։ Մենք բոլորս պետք է Աստծուն փառաբանենք երաշխավորված հարության համար, որը մեր մահկանացու բաժանումը ժամանակավոր է դարձնում ու մեզ հույս և ուժ է տալիս շարունակելու համար:
Մենք շնորհակալություն ենք հայտնում Աստծուն իր Որդու համար, մահկանացու կյանքում նրա առաքելության համար և նրա ծառայության համար՝ որպես հարություն առած Տեր: Մենք վկայում ենք, որ Հիսուսը Քրիստոսն է կենդանի Աստծո Որդին: Նա է մեր Արարիչը, Փրկիչն ու Քավիչը, Հոր մոտ Բարեխոսը և Ազատարարը։ Մի օր Նա կվերադառնա, որ կառավարի և թագավորի որպես Թագավորների թագավոր և Տերերի Տեր։