Նախագահ Ռասսել Մ. Նելսոնը և Սփոփող միության գերագույն նախագահությունը՝ նախագահ Քամիլ Ն. Ջոնսոնը, քույր Ջ. Անետ Դենիսը և քույր Քրիստին Մ. Յին, ելույթ կունենան Սփոփող միության համաշխարհային հոգևոր հավաքի ժամանակ՝ 2024թ. մարտի 17-ին (կիրակի):
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Հոգևոր հավաքը նշելու է Սփոփող միության նպատակն ու հիմնադրումը, որը տեղի ունեցավ 1842 թվականի մարտի 17-ին: Սփոփող միության բոլոր անդամները և 2024 թվականին 18 տարին լրացած երիտասարդ կանայք հրավիրված են մասնակցելու: Հոգևոր հավաքի ուղերձներից հետո Սփոփող միությունները հնարավորություն կունենան տեղերում անցկացնել վկայության ժողովներ, որտեղ քույրերը կարող են կիսվել Հիսուս Քրիստոսի հանդեպ իրենց հավատքով:
Ցցի կամ ծխի Սփոփող միություններին խրախուսում ենք հավաքվել հոգևոր հավաքի և վկայության ժողովների մարտի 17-ին՝ կիրակի երեկոյան: Այնտեղ, որտեղ սահմանափակումները դժվարացնում են հավաքը այդ պահին, Սփոփող միությունները կարող են ցանկանալ հավաքվել մեկ այլ ժամանակ: Ղեկավարներին նաև խրախուսում ենք հոգևոր հավաքի և վկայության ժողովի նյութերը ուղարկել նրանց, ովքեր չեն կարող անձամբ ներկա գտնվել:
Ցցի կամ ծխի խորհուրդներին խրախուսում ենք միասին խորհրդակցել՝ քննարկելու հետևյալը.
- Եկեղեցու անդամներն ինչպես կարող են միջոցառման ընթացքում օգնել երեխաների խնամքի աջակցության հարցում, որպեսզի Սփոփող միության բոլոր քույրերը կարողանան մասնակցել:
- Ժամանակը հոգևոր հավաքի համար, որը լավագույնս համապատասխանում է յուրաքանչյուր տարածքի քույրերի կարիքներին:
- Հանդիպման օրակարգը (տես հետևյալ օրինակը).
- Բացման աղոթք
- Նախապես ձայնագրված հեռարձակում (35 րոպե). Նախագահ Նելսոնի և Սփոփող միության գերագույն նախագահության ուղերձները
- Կիսվել վկայություններով. Ժամանակի տևողությունը որոշվում է ցցի կամ ծխի կողմից
- Փակման երգ
- Փակման աղոթք
- Լրացուցիչ առաջարկաներ.
- Խրախուսեք Սփոփող միության քույրերին գրանցել տպավորությունները, որոնք կարող են ստանալ հոգևոր հավաքի ժամանակ:
- Հրավիրեք քույրերին կապ հաստատել ողջ աշխարհի հետ սոցիալական մեդիայի միջոցով՝ օգտագործելով #JesusChristIsRelief հեշթեգը:
- Խնդրեք տեղական Սփոփող միության նախագահներին աջակցել միջոցառմանը:
Սփոփող միության քույրերը կարող են կապ հաստատել ողջ աշխարհի հետ և պատմել միջոցառման մասին՝ օգտագործելով #JesusChristIsRelief հեշթեգը
Ինչպես դիտել հեռարձակումը
Դիտեք հոգևոր հավաքը Ավետարանի գրադարանում, Media Library, YouTube, և այս հեռարձակման կապուղով:
Հեռարձակումը հասանելի կլինի հետևյալ լեզուներով.
անգլերեն, ֆրանսերեն, գերմաներեն, իտալերեն, պորտուգալերեն և իսպաներեն: Լրացուցիչ լեզուներով հեռարձակումները կտրամադրվեն հեռարձակումից հետո՝ հաջորդ շաբաթների ընթացքում: