Հիսուս Քրիստոսի Վերջին Օրերի Սրբերի Եկեղեցին առաջին անգամ մասնակցեց «Բազմազանության գույներ» փառատոնին, որը տեղի ունեցավ Բաքվի Էքսպո կենտրոնում 2025 թվականի նոյեմբերի 5-ին: Ադրբեջանի Հանրապետության կրոնական միությունների հետ կապերի պետական կոմիտեի կողմից կազմակերպված միջոցառումը՝ «Սահմանադրության և ինքնիշխանության տարի» խորագրի ներքո միավորեց երկրի տարբեր ծայրերից ժամանած 33 կրոնական համայնքների ներկայացուցիչներին:
Եկեղեցու` Եվրոպայի Կենտրոնական տարածաշրջանի նախագահ երեց Ռուբեն Վ. Ալիոն գլխավորել է պատվիրակությունը միջոցառման ժամանակ և հանդիպել է կառավարության պաշտոնյաների, միջկրոնական առաջնորդների և այլ բարձրաստիճան անձանց հետ: «Մեզ համար պատիվ է միանալ բազմաթիվ հավատքների ընկերներին` տոնելու բազմազանության գեղեցկությունը և ընդհանուր արժեքները, որոնք միավորում են մեզ՝ որպես Աստծո զավակներ: Ադրբեջանի միջկրոնական ներդաշնակության օրինակը ոգեշնչում է աշխարհի համար: Մենք անհամբեր սպասում ենք մեր բարեկամության և ծառայության շարունակմանը այս ուշագրավ երկրում»,- ասել է երեց Ալիոն:
- FestivalColorDiversityAZE_001
- FestivalColorDiversityAZE_002
- 2025ColorDiversityAZE_003
- FestivalColorDiversityAZE_004
- FestivalColorDiversityAZE_005
- FestivalColorDiversityAZE_006
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Փառատոնը նշում է Ադրբեջանի կրոնական հանդուրժողականության և մշակութային ներդաշնակության վաղեմի ավանդույթները: Ծրագիրը ներառում էր կրոնական համայնքների ցուցահանդեսներ, երաժշտական և մշակութային ներկայացումներ, ինչպես նաև միջկրոնական համատեղ աղոթքի արարողություն:
Փառատոնը սկսվեց կրոնական համայնքների տաղավարների ներկայացմամբ, որին հաջորդեց պաշտոնական բացման արարողությունը, որի ժամանակ հնչեց Ադրբեջանի օրհներգը և ցուցադրվեց Ադրբեջանի հանդուրժողականության ավանդույթների մասին տեսանյութ։
Ծրագրի մաս էին կազմում նաև մշակութային ներկայացումներն ու շնորհանդեսները Ադրբեջանի տարբեր կրոնական խմբերի և նրանց առաջնորդների կողմից, որոնք ավարտվեցին համատեղ աղոթքի արարողությամբ և մասնակիցների խմբային լուսանկարով։
- FestivalColorDiversityAZE_007
- FestivalColorDiversityAZE_008
- FestivalColorDiversityAZE_009
- FestivalColorDiversityAZE_011
- FestivalColorDiversityAZE_12
- FestivalColorDiversityAZE_012
- FestivalColorDiversityAZE_010
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Եկեղեցու՝ թյուրքախոս և պարսկախոս միսիան ղեկավարող նախագահ Պիտեր Հուբերը ընտրվեց տոնի ավարտին աղոթելու համար՝ տասնմեկ այլ կրոնական առաջնորդների հետ միասին։ «Ես աղոթեցի աշխարհի այս հատվածում գտնվող Աստծո բոլոր զավակների բարօրության համար, որպեսզի նրանք շարունակեն վայելել Աստծուն`իրենց խղճի և հավատալիքի համաձայն երկրպագելու ազատությունը»,- ասաց նա։
Եկեղեցու մասնակցությունը փառատոնին նախորդում է մեկ այլ պատմական իրադարձության՝ Բաքվում Եկեղեցու առաջին հավաքատան բացմանը, որը նախատեսված է 2025 թվականի նոյեմբերի 13-ին: Այս միջոցառումը նշանակալի քայլ է Կովկասյան տարածաշրջանում Եկեղեցու աճող ներկայության գործում և ընդգծում է նրա նվիրվածությունը հավատքին, ընտանիքին և համայնքին աջակցելուն, որտեղ էլ որ այն հիմնադրվի:
Այդ նշանակալի իրադարձությանը կմասնակցեն կառավարության պաշտոնյաներ, կրոնական ներկայացուցիչներ և այլ բարձրաստիճան անձինք: Երեկոյան կկայանա հանրային բաց դռների օր: Կհյուրընկալվեն Եկեղեցու անդամներն և ընկերները: Շենքի պաշտոնական նվիրագործումը կկատարի Եկեղեցու ավագ առաջնորդը: