Download PhotoՆախագահ Ռասսել Մ․ Նելսոնի հուղարկավորության արարողությունները, ներառյալ հանրային դիտումը, տեղի կունենան հոկտեմբերի գերագույն համաժողովից հետո՝ հաջորդ շաբաթ։ Համաժողովը կանցկացվի ըստ նախատեսված ժամանակացույցի։ Հոկտեմբերի 4-ին և 5-ին՝ համաշխարհային հեռարձակման հինգ նիստերի ընթացքում, բոլորին հրավիրում ենք լսելու Աստծո խոսքը՝ Նրա կողմից կանչված առաքյալների և Եկեղեցու ղեկավարների միջոցով։
Հոկտեմբերի 6․ Հանրային դիտում
- Բոլոր տարիքի այցելուները հրավիրվում են հանրային դիտման հոկտեմբերի 6-ին (երկուշաբթի) ժամը 9:00-20:00՝ Սոլթ Լեյք Սիթիի համաժողովների կենտրոնում:
Հոկտեմբերի 7․ Հանրային հուղարկավորություն
- Հուղարկավորությունը տեղի կունենա Տաճարային հրապարակի համաժողովների կենտրոնից՝ 2025 թվականի հոկտեմբերի 7-ին (երեքշաբթի), ժամը 12:00-ին (MDT): Հուղարկավորությունը բաց կլինի 8 և բարձր տարիքի անձանց համար: Անհրաժեշտ կլինի տոմսեր ձեռք բերել, որոնք հասանելի կլինեն առցանց՝ հոկտեմբերի 2-ին (հինգշաբթի)՝ ժամը 10:00-ին: Շենքը կբացվի ժամը 10:30-ին: Հուղարկավորության արարողության մասնակիցները պետք է տեղավորված լինեն ոչ ուշ, քան ժամը 11:30-ը: Տաճարային հրապարակի տարածքում գտնվող Եկեղեցու գրասենյակային շենքերը փակ կլինեն ժամը 11:00-15:00-ը: Արարողությունները կհեռարձակվեն ամբողջ աշխարհում ChurchofJesusChrist.org, YouTube, BYUtv և KSL կայքերով՝ սկսած MDT-ի ժամանակով ժամը 12:00-ից: Լեզուների վերաբերյալ լրացուցիչ մանրամասներ կտրամադրվեն ավելի ուշ:
Նախագահ Ռասսել Մ․ Նելսոնը մահացել է 2025 թվականի սեպտեմբերի 27-ին՝ 101 տարեկան հասակում, Սոլթ Լեյք Սիթիում գտնվող իր տանը՝ տարիքից բխող պատճառներով։ (Կարդացեք ավելին նրա կյանքի մասին։) Նա Հիսուս Քրիստոսի Վերջին Օրերի Սրբերի Եկեղեցու 195-ամյա պատմության 17-րդ նախագահն էր և այդ պաշտոնում ծառայում էր 2018 թվականի հունվարի 14-ից։
Հուղարկավորությունից հետո տեղի կունենա մասնավոր թաղման արարողություն։ Ցավակցությունները կարող եք հրապարակել նախագահ Նելսոնի Facebook-ի և Instagram-ի էջերում կամ էլեկտրոնային փոստով ուղարկել հետևյալ հասցեով՝
sendcondolences@ChurchofJesusChrist.org.
Ծաղիկների փոխարեն կարող եք նվիրատվություններ կատարել Մարդասիրական Օգնության Հիմնադրամին, որը աջակցում է մարդկանց կարիքի պահին, կամ Եկեղեցու Ընդհանուր Միսիոներական Հիմնադրամին։