Հիսուս Քրիստոսի Վերջին Օրերի Սրբերի Եկեղեցին մի քանի համաշխարհային կազմակերպությունների օգնությամբ շարունակում է օգնություն ուղարկել Թուրքիայի և Սիրիայի երկրաշարժից տուժածներին:
Փետրվարի 6-ի երկրաշարժից հետո Եկեղեցու տրամադրած օգնությունը կազմել է ավելի քան 5 միլիոն ԱՄՆ դոլար:
«Այս երկրաշարժերի պատճառած կորուստներն ու տառապանքները ապշեցուցիչ են», - ասել է Եկեղեցու նախագահող եպիսկոպոս Ջերալդ Կոսեն: «Մեր սրտերն ու աղոթքները իսկապես ուղղված են Թուրքիայի և Սիրիայի մեր եղբայրներին ու քույրերին: Մենք խորապես երախտապարտ ենք, որ որպես Եկեղեցի, մենք ունենք միջոցներ՝ օգնելու նրանց՝ ինչպես այժմ, այնպես էլ վերակառուցման իրենց երկար ճանապարհին»:
- Turkye-Earthquake01-230320
- Turkye-Earthquake02-230320
- Turkye-Earthquake03-230320
- Turkye-Earthquake04-230320
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Գերմանիայում Եկեղեցու տարածաշրջանային գրասենյակը Թուրքիա է ուղարկում 40 մեծ վրաններ (որոնցից յուրաքանչյուրը կարող է տեղավորել 20 մարդու), ինչպես նաև տղամարդկանց, կանանց և երեխաների հագուստի մեծ խմբաքանակ:
«Հրաշալի է, երբ տարբեր դավանանքներ ունեցող հասարակության անդամները միասին աշխատում են օգնություն ցուցաբերելու համար», - ասում է Ֆրանկֆուրտի Օտարերկրացիների Խորհրդատվական խորհրդի անդամ Աբդուլլահ Քայան:
Ֆրանկֆուրտում Թուրքիայի հյուպատոսությունը ստեղծել է հավաքման կենտրոն, որը կապահովի երկրաշարժից տուժածներին նվիրատվությունների հուսալի առաքումը Գերմանիայից։
Եկեղեցու կողմից աջակցվող մեկ այլ օգնություն է տրամադրվում Թուրքիային այնպիսի կազմակերպությունների միջոցով, ինչպիսիք են՝ Project HOPE-ը և Adventist Development and Relief Agency (ADRA)-ը: Այն ներառում է սնունդ, ջուր, կացարան, առողջապահական կլինիկաներ, ջեռուցիչներ, վերարկուներ, բժշկական պարագաներ, հիգիենայի պարագաներ, վերմակներ, մանկական պարագաներ և գեներատորներ:
Սիրիայում Եկեղեցին աջակցում է հետևյալ կազմակերպությունների աշխատանքին՝ MedGlobal, Mercy Corps, International Medical Corps և Rahma Worldwide: Այն ներառում է տասնյակ հազարավոր մարդկանց աջակցությանն ուղղված բժշկական օգնություն, սնունդ, ջուր, կացարան, վերմակներ, վառելիք, հիգիենայի պարագաներ, մանկական պարագաներ և սանիտարական ծառայություններ:
«Այս պատասխանը մեր նվիրվածության դրսևորումն է երկու մեծ պատվիրաններին: Մենք ցույց ենք տալիս մեր սերը Աստծո հանդեպ՝ օգնության ձեռք մեկնելով Նրա զավակներին, անկախ նրանց գտնվելու վայրից կամ ծագումից», - ասել է Բլեյն Ռ. Մաքսֆիլդը՝ Եկեղեցու Բարօրության և Ինքնապահովման Ծառայությունների կառավարիչ տնօրենը: «Մեր երախտագիտությունն ենք հայտնում օգնություն ցուցաբերող հրաշալի կազմակերպությունների համար, որոնք աշխատում են մեր կողքին՝ այս պատասխանը հնարավոր դարձնելու համար, կամ Եկեղեցու անդամներին և ընկերներին, որոնք այդքան շռայլորեն «տալիս են» այս մեծ կարիքի ժամանակներում»:
Հիսուս Քրիստոսի Եկեղեցու հումանիտար ծառայություններ
Հիսուս Քրիստոսի Վերջին Օրերի Սրբերի Եկեղեցու հումանիտար ծառայությունները թեթևացնում են տառապանքը, խթանում ինքնապահովումը և ծառայելու հնարավորություններ տալիս: Կազմակերպությունը հետևում է Հիսուս Քրիստոսի հորդորին՝ կերակրել քաղցածներին, ջուր տալ ծարավներին, ընդունել օտարներին, հագցնել մերկներին և այցելել հիվանդներին ու տառապյալներին:
Եկեղեցու հումանիտար օգնության տարածումը հնարավոր է դարձել Վերջին Օրերի Սրբերի և հավատքի ընկերների առատաձեռն նվիրատվությունների և կամավորության շնորհիվ: Ամեն տարի ավելի քան 6 միլիոն ժամ աշխատուժ է տրամադրվում կամավորների կողմից՝ աջակցելով բարօրության նախաձեռնություններին:
Եկեղեցին հովանավորում է օգնության և զարգացման ծրագրերը ավելի քան 180 երկրներում ու տարածքներում և օգնություն է ցուցաբերում՝ անկախ ռասայից, կրոնական պատկանելությունից կամ ազգությունից: Օգնությունը հիմնված է անձնական պատասխանատվության, համայնքի աջակցության, ինքնապահովման և կայունության հիմնական սկզբունքների վրա:
Թուրքիայում և Սիրիայում իրականացվող ծրագրերը մասամբ ֆինանսավորվում են LDS Charities Australia-ի կողմից: