Վերջին Օրերի Սրբերի Եկեղեցու Հիմների գիրքը և Մանկական երգարանը կվերանայվեն
Նոր սրբազան երաժշտություն աշխարհասփյուռ անդամների համար
Հիսուս Քրիստոսի Վերջին Օրերի Սրբերի Եկեղեցու սրբազան երաժշտություն պարունակող երկու գրքերը շուտով նշանակալի փոփոխությունների կենթարկվեն։ Եկեղեցու ամբողջ աշխարհի ղեկավարներին նամակ է ուղարկվել, որում հայտարարվել է երկրպագության ծառայությունների ընթացքում օգտագործվող Հիմների և Մանկական երգարանի վերանայման մասին։
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Երգերի նոր հավաքածուները կպատրաստվեն հաջորդ մի քանի տարիների ընթացքում՝ միավորելով անդամներին, և կհամապատասխանեն ամբողջ աշխարհի անդամների կարիքներին։ Ընտրված նյութերը կընդգրկեն հիմնական հիմներն ու երգերը, որոնք ուսուցանում են ավետարանի վարդապետությունը:
Առաջին Նախագահության ղեկավարությամբ ձևավորվել են հանձնախմբեր ներկայիս հիմները և մանկակական երգարանը վերանայելու նպատակով։
Կկազմվի մեկ հիմների գիրք և մեկ մանկական երգարան, որոնցում կներկայացվեն նույն հիմները և երգերը բոլոր լեզուներով։ Ի լրումն տպագիր գրքերի, կձայնագրվեն հիմների և երգերի նոր աուդիոտարբերակներ։ Երաժշտությունը մատչելի կլինի առցանց, երբ նոր գրքերը լույս տեսնեն: Ազգային օրհներգերը ընդգրկված չեն լինի տպագիր հիմների գրքում։
Սրբազան երաժշտությունը Վերականգնման վաղ օրերից սկսած միշտ կարևոր է եղել Վերջին Օրերի Սրբերի համար։ Ներկայիս օգտագործվող հիմների գիրքը վերանայվել է 1985 թվականին։
Լրացուցիչ հիմներն ու երգերը, որոնք վերաբերում են հատուկ լեզուների և տարածքների, նույնպես հասանելի կլինեն անդամներին թվային տարբերակներով:
Տեղական նոր հիմներ, մանկական երգեր, առանց խոսքի երաժշտություն կամ առանց երաժշտության երգի խոսքեր դիտարկման համար կարելի է ներկայացնել newmusic.lds.org կայքի միջոցով։ Մեկ անձի կողմից կարող է ներկայացվել թվով մինչև հինգ հիմն և հինգ մանկական երգ։ Ներկայիս օգտագործվող երաժշտության վերաբերյալ կարծիք կարելի է ներկայացնել առցանց հարցման միջոցով։. Առաջարկվող նյութերը պետք է ստացվեն մինչև 2019թ. հուլիսի 1-ը:
Երաժշտություն կամ երգի խոսքեր ներկայացնելու համար երգահանը կամ հեղինակը պետք է ստեղծի տվյալների էջ, օգտագործելով իր ՎՕՍ հաշիվը։ Յուրաքանչյուր անձ (անդամ կամ ոչ անդամ) կարող է անվճար ձեռք բերել ՎՕՍ հաշիվ ldsaccount.lds.org կայքում։