Եկեղեցու 2017 թվականի Զատիկի նախաձեռնությունը հրավեր է` խաղաղություն գտնել Քրիստոսի միջոցով:
Չորս տարի շարունակ Զատիկի ժամանակ Հիսուս Քրիստոսի Վերջին Օրերի Սրբերի Եկեղեցին խրախուսում է մորմոններին և աշխարհի բոլոր մարդկանց կիսվել Հիսուս Քրիստոսի մասին հույս ներշնչող ուղերձներով: Այս տարի Եկեղեցին կենտրոնանում է Աստվածաշնչյան այն ուսմունքի վրա, որ Քրիստոսը Խաղաղության Իշխանն է:
«Եվ նորա անունը կկոչուի Սքանչելի, Խորհրդական, Հզօր Աստուած, Յաւիտենականութեան Հայր, Խաղաղութեան իշխան»: (Եսայիա 9.6)
«Մենք ցանկանում ենք, որ աշխարհն իմանա, որ խաղաղություն կարող են զգալ բոլոր նրանք, ովքեր ջանասիրաբար փնտրում են Խաղաղության Իշխանին», - ասել է Նախագահ Ռասսել Մ. Նելսոնը Տասներկու Առաքյալների Քվորումից: «Նրանն է քաղցր ու փրկիչ պատգամը, որը մենք տալիս ենք ամբողջ աշխարհին՝ «իմ խաղաղութիւնն եմ տալիս ձեզ. Ոչ թէ ինչպէս աշխարհքն է տալիս՝ ես տալիս եմ ձեզ. ձեր սիրտը չ’խռովի եւ չ’վախենայ»:
Ինչպես անցած տարիների ուղերձները (որոնք տեսել են միլիոնավոր մարդիկ), այս տարվա ուղերձի նախաձեռնությունը ևս համընկնում է Սուրբ Շաբաթվա հետ` ապրիլի 9-16-ը, սկսած Ծաղկազարդից մինչև Զատիկի կիրակի, և ներառում է երեք հրավերներ.
Եկեք Քրիստոսի մոտ:
Սովորեք խաղաղության սկզբունքները Խաղաղության Իշխանից:
Կիսվեք Փրկիչի միջոցով խաղաղություն գտնելու եղանակներով:
Հրավիրեք բոլորին գալ դեպի Քրիստոսը
Այսօրվանից՝ մարտի 31-ից սկսած, «Խաղաղության Իշխան» կայքը mormon.org-ում կցուցադրի երկու րոպեանոց տեսանյութ (վերևում տրված), որը լուսաբանում է Հիսուս Քրիստոսի՝ որպես «Խաղաղության Իշխանի» դերը և հրավիրում է մյուսներին սովորել ութ «խաղաղության սկզբունքներ»-ի մասին: Տեսանյութը հասանելի կլինի 33 լեզուներով, իսկ կայքը՝ 29 լեզուներով:
Սովորեք խաղաղության սկզբունքները Խաղաղության Իշխանից
Սուրբ Շաբաթվա ընթացքում մարդիկ կարող են սովորել այս ութ խաղաղության սկզբունքների մասին. հավատ, կարեկցանք, ներում, ապաշխարհություն, երախտագիտություն, Աստծո խոսք, աղոթք և հույս: Ամեն օր կայքում և սոցիալական լրատվամիջոցների էջերում կցուցադրվի մեկ սկզբունք տեսանյութի հետ, որևէ մարդու փորձառության մասին, թե ինչպես է նա խաղաղություն գտել՝ ապրելով այդ սկզբունքով:
Կիսվեք Փրկիչի միջոցով խաղաղություն գտնելու եղանակներով
Այս տեսանյութերը և դրանց վերաբերող նյութերը նույնպես հասանելի կլինեն Եկեղեցու սոցիալական լրատվամիջոցների էջերում (Facebook, Twitter, Google+, Pinterest և Instagram) կամ Խաղաղության Իշխան կայքի վրա անգլերենով և իսպաներենով: Նրանք, ովքեր կիսվում են փորձառություններով, խրախուսում ենք օգտագործել #PrinceOfPeace հեշթեգը:
Աջակցող այլ նախաձեռնություններ
Թվային գովազդներ են արվում անգլերենով, իսպաներենով և պորտուգալերենով: Այցելուների կենտրոններում էկրաններ են տեղադրված Եկեղեցու բոլոր անգլիախոս այցելուների համար և իսպաներենով՝ Մեքսիկո Սիթիի Տաճարային Այցելության Կենտրոնում: Նախաձեռնությանը վերաբերող հայտարարությունների տախտակներ են տեղադրված Սոլթ Լեյք Սիթիում, Լոս Անջելեսի Տաճարի շրջակայքում և Մեքսիկո Սիթիի Տաճարի այցելուների կենտրոնում: