2022թ․ ապրիլի գերագույն համաժողովին հայտարավել է 12 նոր ղեկավարների նշանակումների մասին։ Այդ կոչումները ընդգրկոմ են վեց գերագույն իշխանավոր յոթանասունականների և Սփոփող միության ու Երեխաների միության նոր նախագահությունները։ Սփոփող միության ու Երեխաների միության նոր նախագահությունները կսկսեն իրենց ծառայությունը 2022թ․ օգոստոսի 1-ից։
Նախագահ Դալլին Հ. Օուքսը՝ Հիսուս Քրիստոսի Վերջին Օրերի Սրբերի Եկեղեցու Առաջին Նախագահությունից, հայտարարել է նոր կոչումների մասին համաժողովի շաբաթ ցերեկային նիստի ժամանակ։
Սփոփող միության նոր գերագույն նախագահություն
Քույր Քամիլ Ն․ Ջոնսոն, նախագահ
Քույր Ջոնսոնը վերջին տարում ծառայել է որպես Երեխաների միության գերագույն նախագահ։ Նա ամուսնու՝ Դագլասի հետ, ծառայել է որպես զուգընկեր, երբ ամուսինը միսիայի նախագահ էր Պերու Առեքիպա միսիայում՝ 2016-2019թթ․։ Ծառայությունը ավարտելուց հետո Քույր Ջոնսոնը վերադարձել էր իր աշխատանքին որպես իրավաբան Սնոու, Քրիսչենսեն և Մարտինո իրավաբանական ընկերությունում։ Իր տեղական համայնքում նա ծառայել է մի քանի ուսուցանման և ղեկավարման կոչումներում։ Քույր Ջոնսոնը ստացել է անգլերեն լեզվի և իրավաբանության աստիճաններ Յուտայի համալսարանում։ Նա և նրա ամուսինը ունեն երեք որդի։ Նա ծնվել է Պոկատելլոյում, Այդահո։
Քույր Ջ․ Անեթ Դեննիս, առաջին խորհրդական
Քույր Դեննիսը ծառայել է մի քանի կոչումներում, այդ թվում՝ Երեխաների միության խորհրդատվական գերագույն խորհրդում, Դեյվիս Քաունթիի Յուտայի Հանրային կապերի խորհրդում, որպես Գուայաքիլ Էկվադոր տաճարի մայրապետ և իր ամուսնու զուգընկեր Էկվադոր Գուայաքիլ արևմտյան միսիայում։ Նա ծնվել է Պրովոյում, Յուտա, և սովորել է Բրիգամ Յանգի համալսարանում՝ միջնակարգ կրթության ոլորտում։ Նա և նրա ամուսինը՝ Ջորջ Դեննիսը ունեն չորս զավակ և ինը թոռ։
Քույր Քրիստին Մ․ Յի, երկրորդ խորհրդական
Քույր Յին աշխատում է Եկեղեցու անիմացիոն թիմի տնօրեն։ Նախկինում նա 13 տարի աշխատել է Դիսնեյ Ինտերակտիվ Ստուդիոս-ում։ Եկեղեցու նրա կոչումները ընդգրկում են՝ Երեխաների միության խորհրդատվական գերագույն խորհրդի անդամ (2021թ․-ից սկսած), Սփոփող միության նախագահ ցցի և ծխի մակարդակում, ծխի Երիտասարդ կանանց նախագահ և կիրակնօրկա դպրոցի ուսուցիչ։ Նա ստացել է բակալավրի և մագիստրոսի կոչումներ Բրիգամ Յանգի համալսարանում։ Նա ծնվել է Սակրամենտոյում, Կալիֆորնիա։
Երեխաների միության նոր գերագույն նախագահություն
Քույր Սյուզան Հ․ Փորթեր, նախագահ
Քույր Փորթերը վերջին տարում ծառայել է որպես Երեխաների միության գերագույն նախագահության առաջին խորհրդական։ Դրանից առաջ նա ծառայել է չորս տարի Սփոփող միության խորհրդատվական գերագույն խորհրդում։ Նա նաև ծառայել է իր տեղական համայնքում մի քանի ուսուցանման և ղեկավարման կոչումներում։ Նա և նրա հանգուցյալ ամուսինը՝ Երեց Բրյուս Դ․ Փորթերը՝ Յոթանասունից (1952–2016), մեծացրել են իրենց երկու որդիներին և երկու դուստրերին արևելյան Միացյալ Նահանգներում, Գերմանիայում և Յուտայում, և կատարել են Եկեղեցու հանձնարարություններ Ռուսաստանում և Միջին Արևելքում։ Քույր Փորթերը հաճախել է Բրիգամ Յանգի համալսարան և ստացել է բակալավրի աստիճան քիմիայի գծով։ Նա աշխատել է որպես լաբարատորիայի օգնական և կես-դրքույք մաթեմատիկայի ուսուցիչ։ Նա ծնվել է Օկլահոմայում և մեծացել Նյու Յորքում։
Քույր Էմի Ռայթ, առաջին խորհրդական
Քույր Ռայթը վերջին տարում ծառայել է որպես Երեխաների միության գերագույն նախագահության երկրորդ խորհրդական։ Դրանից առաջ նա երեք տարի ծառայել է Երիտասարդ կանանց խորհրդատվական գերագույն խորհրդում։ Նա ծնվել է Սոլթ Լեյք Սիթիում և ստացել է բակալավրի աստիճան մարդու զարգացման և ընտանեկան ուսումնասիրությունների գծով Յուտայի համալսարանում։ Քույր Ռայթը աշխատել է Մարքետ համալսարանում՝ Հաղորդակցման Դիդրիխ Քոլեջում, որտեղ օգնել է կազմակերպել քաղաքային լրագրողական ճամբար՝ քաղաքում բնակվող երիտասարդների համար։ Նա և նրա ամուսինը՝ Ջեյմսը ունեն երեք որդի։ Իր տեղական համայնքում նա ներգրավված է եղել մի քանի ուսուցանման և ղեկավարման հանձնարարություններում և համայնքային ծառայության ծրագրերում։
Քույր Թրեյսի Յ․ Բրաունինգ, երկրորդ խորհրդական
2018թ․-ից Քույր Բրաունինգը ծառայել է Սփոփող միության խորհրդատվական գերագույն խորհրդում։ Նա ծնվել է Նյու Ռոչելում, Նյու Յորք, մանկության մեծ մասը անց է կացրել Ջամայկա կղզում, որտեղ ծնվել են նրա մայր և հայրը։ 2015թ․-ին Եկեղեցում աշխատանքի անցնելուց առաջ, նա 15 տարի աշխատել է ֆինանսական ծառայությունների ոլորտում՝ Մորգան Սթենլի ընկերությունում։ Քույր Բրաունինգը ներկայումս աշխատում է որպես հաճախորդների սպասարկման տնօրեն Եկեղեցու հրատարակչական ծառայությունների բաժնում։ Նա և նրա ամուսինը՝ Բրայդեն Դ․ Բրաունինգը ունեն դուստր և որդի։