Հիսուս Քրիստոսի Վերջին Օրերի Սրբերի Եկեղեցու Առաջին Նախագահությունը 2022թ.-ի փետրվարի 11-ին ամբողջ աշխարհի Եկեղեցու անդամներին հղել է հետևյալ նամակը, որը վերաբերում է 2022 թվականի ապրիլի գերագույն համաժողովին:
Թանկագի՛ն եղբայրներ և քույրեր
Ուրախ ենք հայտարարել գալիք՝ 192-րդ տարեկան գերագույն համաժողովի մասին: Առաջին Նախագահությունը, Տասներկու Առաքյալների Քվորումի անդամները և Եկեղեցու մյուս Բարձրագույն Իշխանություններն ու բարձրագույն պաշտոնյաները կկիսվեն Հիսուս Քրիստոսի ավետարանի ուղերձներով:
Հրավիրում ենք բոլոր կանանց և երիտասարդ կանանց (ներառյալ նրանց, ովքեր 2022 թվականին կդառնան 12 տարեկան)՝ մասնակցելու գերագույն համաժողովի կանանց նիստին, որը տեղի կունենա շաբաթ օրը՝ ապրիլի 2-ի երեկոյան: Ընդհանուր նիստերը բոլոր անհատների, ընտանիքների և ընկերների համար տեղի կունենան շաբաթ և կիրակի օրերին՝ ապրիլի 2-ին և 3-ին։
Համաժողովը կհեռարձակվի Եկեղեցու արբանյակային համակարգով, ChurchofJesusChrist.org կայքով և այլ լրատվամիջոցներով: Գերագույն համաժողովի նիստերին անհատական ներկայությունը կլինի սահմանափակ՝ Տաճարային հրապարակում և շրջակայքում տեղի ունեցող լայնածավալ շինարարության պատճառով: Այնուամենայնիվ, սահմանափակ թվով տոմսեր կբաշխվեն Միացյալ Նահանգների և Կանադայի ցցերին ու շրջաններին: Ժողովատներում գերագույն համաժողովը դիտելու համար հավաքվելու մասին որոշումները կթողնվեն տեղական ղեկավարների հայեցողությանը:
Գերագույն համաժողովը հնարավորություն է տալիս ստանալ անձնական հայտնություն, երբ կենդանի մարգարեները և Եկեղեցու այլ բարձրագույն ղեկավարները խորհուրդ և ուղղություն են տալիս: Մենք խրախուսում ենք անդամներին լսել, ուսումնասիրել և կիրառել տրված խորհուրդները: Գերագույն համաժողովի ուղերձները կհրապարակվեն Gospel Library հավելվածում, ChurchofJesusChrist.org կայքում և Եկեղեցու ամսագրերում՝ հետագա դիտման և ուսումնասիրության համար:
Հարգանքով՝
Ռասսել Մ. Նելսոն
Դալլին Հ. Օուքս
Հենրի Բ. Այրինգ