Հիսուս Քրիստոսի Վերջին Օրերի Սրբերի Եկեղեցու Տասներկու Առաքյալների քվորումից երեց Ջերիթ Վ. Գոնգը և քույր Սյուզան Գոնգը կլինեն RootsTech համաժողովի վերջին օրվա` «Ընտանիքի բացահայտման օրվա» նիստի գլխավոր խոսնակները։ RootsTech-ը ընտանեկան պատմության համաշխարհային հավաք է, որը տեղի կունենա հեռավար և առկա ձևաչափով՝ 2023 թվականի մարտի 2-ից 4-ը։
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Երեց և քույր Գոնգերի ելույթը կհեռարձակվի շաբաթ օրը՝ մարտի 4-ին, ժամը 13։30-ին (Լեռնային ստանդարտ ժամանակ)՝ RootsTech.org, RootsTech YouTube-ում, Broadcasts.ChurchofJesusChrist.org կայքերով և Gospel Library հավելվածում:
Ի՞նչ է «Ընտանիքի բացահայտման օրը»
RootsTech-ը ամեն տարի հյուրընկալվում է FamilySearch International-ի կողմից և աջակցվում է Հիսուս Քրիստոսի Վերջին Օրերի Սրբերի Եկեղեցու կողմից՝ օգնելով մարդկանց միավորվել և զորանալ իրենց անցյալի, ներկայի և ապագայի ընտանիքներից:
«Ընտանիքի բացահայտման օրը» RootsTech համաժողովի շրջանակում անցկացվող մեկօրյա միջոցառում է, որը նախատեսված է հատուկ Վերջին Օրերի Սրբերի համար:
RootsTech համաժողովի այս տարվա թեման «Միավորվելն» է․ ինչպե՞ս միավորել մարդկանց, ավանդույթները, պատմությունները, հիշողությունները, տեխնոլոգիաները, նորարարությունները, համայնքները և ընտանիքները:
«Երբեմն մենք կարծում ենք, որ մեր որոշումներն ազդում են միայն մեզ վրա», - ասել է երեց Գոնգը: «Մեր ընտանիքի բացահայտումը մեզ այլ բան է հիշեցնում: Մենք մեր սերունդների հետ ավելի կապված ենք, քան սովորաբար կարծում ենք»։
«Պատմությունները, որոնք մենք պահում և կիսվում ենք սերունդներ շարունակ, կարող են երկարատև ազդեցություն ունենալ մեր սրտերի և մտքերի վրա», - ավելացրել է քույր Գոնգը: Նա հուսով է, որ բացահայտելով, գրանցելով և կիսվելով ընտանեկան պատմություններով, մարդիկ «ավելի շատ կգնահատեն մեզանից առաջ մահացած մարդկանց պայքարը, քաջությունը, հավատքը և զոհաբերությունը»:
«Ինձ դուր է գալիս այն հանգամանքը, որ ընտանեկան բացահայտումների արկածները սկիզբ կամ վերջ չունեն», - ասել է երեց Գոնգը: «Այդ արկածները շարունակվում են երկու ուղղությամբ՝ միավորելով ընտանիքների անցյալն ու ապագան»։
- RootsTech.org կայքում իմացեք ավելին՝ հատուկ Վերջին Օրերի Սրբերի համար ստեղծված նիստերի մասին:
- Իմացեք 2023 Տաճարային և ընտանեկան պատմության ղեկավարների ուսուցման մասին:
RootsTech համաժողովի ամբողջ երեք օրվա գրանցումն այժմ բաց է RootsTech.org կայքում: Սպասվում է, որ առցանց և անձամբ այցելող միլիոնավոր մասնակիցներ են մասնակցելու 2023 թվականի մարտի 2-ից 4-ը՝ լսելու ոգեշնչող հիմնական ելույթներ, ուսուցողական դասեր, նորարարական տեխնոլոգիաների մասին և՝ մարդկանց իրենց ընտանիքներին կապելու ունակության մասին:
«Ընտանիքները հասարակության հիմքն են», - ասել է FamilySearch գործադիր տնօրեն Սթիվ Ռոքվուդը անցած տարվա հոկտեմբեր ամսին: «Սերունդների միջև ընտանիքների կապը և միավորումը զորացնում է ինչպես անհատներին, այնպես էլ ազգերին: Մենք զարմացած և գոհ ենք՝ տեսնելով, թե ինչ դեր է կատարել RootsTech-ը՝ օգնելով միլիոնավոր անհատների բառացիորեն կապվել իրենց ընտանիքների հետ՝ անցյալում, ներկայում և ապագայում»:
RootsTech համաժողովը իր միջազգային փորձն է առաջարկում ամբողջ աշխարհում: Ընտանեկան պատմության, մշակույթի և ժառանգության վերաբերյալ եվրոպական երկրների ներկայումս ավելի քան 800 ներդրում ունենալով, տարբեր լեզուներով շփվող եվրոպացիների և նրանց ժառանգների համար գնալով ավելի հեշտ է դառնում ավելին իմանալ իրենց և իրենց ծագման մասին: Ամեն տարի աճող տեսադարանը տարբեր լեզուերով ընդլայնվում է աշխարհի տարբեր ծայրերից:
Այս տարի բացի RootsTech-ի առցանց փորձառությունից, Սոլթ Լեյք Սիթիի «Սոլթ Պալաս» համագումարի կենտրոնում կազմակերպում է առկա ձևաչափով միջոցառում։
Միացեք RootsTech-ին առցանց կամ անձամբ
Անվճար առցանց միջոցառումը ներկայացնում է՝
- Ավելի քան 200 նոր՝ ըստ պահանջի դասերի նիստեր և դասընթացներ
- Ներկայացումներ մեծ բեմին և գլխավոր խոսնակներ
- Զրույցի (chat) հնարավորություն և առցանց խորհրդատվական ծառայություններ
- Կապ զարմիկների հետ՝ օգտագործելով RootsTech ազգականներ և հաղորդագրություններ գործառույթը
- Վիրտուալ Էքսպո սրահ
Սոլթ Լեյք Սիթիի (Յուտա) Համագումարի կենտրոնում տեղի ունեցող առկա ձևաչափով եռօրյա մասնակցությունը 98 դոլար է: Այն ներառում է մուտքի հասանելիություն դեպի հեռավար տարբերակ և՝
- 180-ից ավել անհատական դասընթաց՝ հարցուպատասխանով
- Անձնական հետազոտական օգնություն FamilySearch գրադարանում
- Հովանավորների գործնական ցուցադրություններ էքսպո սրահում
- Անձամբ կապ ընկերների և զարմիկների հետ
- Սննդի տարբերակներ և հյուրասիրություն
Սոլթ Լեյք Սիթիի էքսպո սրահ մուտքն անվճար է և կներառի ավելի քան 200 ցուցադրողների, արտադրանքի ցուցադրություններ և շփումներ հետազոտող մասնագետների հետ:
«Ձեզանից նրանք, ովքեր մտածում են միանալ մեզ հեռավար, թե անձամբ, կարող եմ ասել, որ այս տարվա լավագույն կողմն այն է, որ դուք ընտրություն ունեք, թե ինչպես միանաք մեզ», - ասել է Ջեն Ալենը՝ FamilySearch-ի միջոցառումների տնօրենը՝ 2022 թվականի սեպտեմբերին ուղիղ եթերում հնչած RootsTech հարցուպատասխանի ժամանակ: «Մենք հուսով ենք, որ դուք հնարավորության դեպքում կայցելեք Սոլթ Լեյք, իսկ եթե չեք կարող, ապա հեռավար փորձառությունը հրաշալի կլինի: Մենք անհամբեր սպասում ենք, որ միանանք բոլորիդ հետ ամբողջ աշխարհում»:
RootsTech 2023-ի մասին լրացուցիչ տեղեկությունների համար այցելեք RootsTech.org: Գրանցման տարբերակների և գործընթացի մասին ավելին իմանալու համար դիտեք ուղիղ եթերի հարցուպատասխանը Facebook-ում: