Ամսական, սկզբունքահեն ծրագիր երիտասարդների համար
«Երիտասարդներին զորացնելու համար» (ԵԶՀ) թարմացված ուղեցույցը պարունակում է 12 գլուխ՝ տարվա յուրաքանչյուր ամսվա համար մեկ գլուխ , որոնցից յուրաքանչյուրը կենտրոնացած է վարդապետության, սկզբունքների և իրական կյանքում դրանց կիրառման վրա։ Սեպտեմբերի 6-ից սկսած՝ դասարաններն ու քվորումները կուսումնասիրեն ամսական մեկ գլուխ՝ սովորելով, թե ինչպես ընտրություններ կատարել՝ Փրկիչ Հիսուս Քրիստոսին իրենց կյանքի կենտրոնում պահելով։
Երիտասարդներին հրավիրվում ենք կարդալ ամբողջ ուղեցույցը մինչև սեպտեմբերի 6-ը՝ ծանոթանալով դրա ուսմունքներին և սովորելով, թե ինչպես օգտագործել այն որպես կենսատև օգտակար ռեսուրս՝ աշակերտության և որոշումներ կայացնելու համար։
Այս ուղեցույցն ուսումնասիրող երիտասարդների համար ցանկալի արդյունքներն են․
-
Դառնալ Հիսուս Քրիստոսի կենսատև աշակերտներ՝ Նրա ավետարանի քաջ իմացությամբ։
-
Պատրաստ լինել օժտմանը՝ քահանայության արարողությունների և ուխտի խոստումների ավելի խոր հասկացողությամբ։
-
Պատրաստ լինել միսիա ծառայելուն՝ Տիրոջը ծառայելու ցանկությամբ։
-
Կենտրոնացած լինել ապագա ընտանիքի վրա՝ հասկանալով, որ տղամարդու և կնոջ միջև ամուսնությունը կարգված է Աստծուց, և որ ընտանիքը կենտրոնական դեր ունի Հոր ծրագրում։
-
Իմանալ, որ Հիսուս Քրիստոսը իրենց ուժն է։
Ուղեցույցն այժմ հասանելի է Ավետարանին գրադարանի «Երիտասարդներ» հավաքածուի մեջ , իսկ տպագիր օրինակները հասնում են ամբողջ աշխարհի տարբեր միավորներին։
Միասին կարդացեք. շաբաթական մեկ գլուխ՝ սկսած մայիսի 3-ից
Սկսած 2026 թվականի մայիսի 3-ից՝ «Երիտասարդներին զորացնելու համար» (նախկինում՝ «Ձգտիր լինել») սոցիալական մեդիայի հարթակներում կանցկացվի համաշխարհային ընթերցանության նախաձեռնություն։ Երիտասարդները, նրանց ընտանիքները և ղեկավարները հրավիրվում են կարդալ շաբաթական մեկ գլուխ՝ միասին պատրաստվելով առաջիկա ուսումնական ծրագրին։
Շաբաթական հրապարակումները կներառեն.
-
Այլ երիտասարդների մտքեր ու վկայություններ
-
Կիրառման գաղափարներ, որոնք օգնում են երիտասարդներին գործել ըստ իրենց սովորածի
Հետևել Եկեղեցու երիտասարդների սոցիալական մեդիա ալիքներին
Download PhotoԵկեղեցու երիտասարդների վրա կենտրոնացած սոցիալական մեդիայի ալիքները, որոնք նախկինում հայտնի էին որպես Ձգտիր լինել , այժմ վերանվանվել են «Երիտասարդներին զորացնելու համար» (@forstrengthofyouth)։
Այս ալիքներն առաջարկում են.
-
Ոգևորիչ, Քրիստոսակենտրոն ուղերձներ , որոնք օգնում են երիտասարդներին խորացնել իրենց հավատքը և զգալ Փրկչի սերը իրենց առօրյա կյանքում
-
Դրական, ոգեշնչող բովանդակություն՝ վստահությունը, պատկանելությունը և աշակերտությունը ամրապնդելու համար աջակցող առցանց համայնքում
-
Երիտասարդների և ղեկավարների համաշխարհային տեսակետներ, որոնք օգնում են երիտասարդ տղամարդկանց և երիտասարդ կանանց կապվածություն զգալ աշխարհի տարբեր ծայրերում ապրող Հիսուս Քրիստոսի մյուս աշակերտների հետ։
Ծնողներին, ղեկավարներին և երիտասարդներին նույնպես հրավիրում ենք հետևել.
-
Երիտասարդ կանայք ամբողջ աշխարհում (@youngwomenworldwide-ը Facebook-ում և Instagram-ում)
-
Երիտասարդ տղամարդիկ ամբողջ աշխարհում (@youngmenworldwide-ը Facebook-ում և Instagram-ում)
Երիտասարդների քննարկում՝ օգոստոսի 30-ին, 2026 թվական
Երիտասարդներին և նրանց ընտանիքներին նոր ուսումնական ծրագրին նախապատրաստելու համար Եկեղեցին՝ 2026 թվականի օգոստոսի 30-ը, օգոստոս ամսվա հինգերորդ կիրակին, նշանակել է որպես երիտասարդների համար համաշխարհային քննարկման օր։
Այս կիրակի օրը․
-
երիտասարդները,
-
նրանց ծնողները,
-
երիտասարդների ղեկավարները,
-
Երեխաների միության այն երեխաները, որոնք 2027 թվականին կդառնան 12 տարեկան,
հրավիրվում են հավաքվել իրենց ծխերում և ճյուղերում՝ դիտելու Եկեղեցու կողմից տրամադրված ուսուցողական տեսանյութերը և ավարտելու տեղական քննարկմամբ։
Այս հատուկ հինգերորդ կիրակի օրվա հանդիպումը կներկայացնի նոր ուսումնական ծրագիրը, կցուցադրի, թե ինչպես արդյունավետորեն օգտագործել ուղեցույցը և կառաջարկի գործնական հրահանգներ այն մասին, թե ինչպես կարող են երիտասարդները լիարժեք մասնակցել սեպտեմբերի 6-ից սկսվող շաբաթական դասընթացներին։
«ԵԶՀ թարմացված ուղեցույցի նպատակն է օգնել երիտասարդներին ձեռք բերել այն գործիքները, որոնք նրանց անհրաժեշտ են Հիսուս Քրիստոսի կենսատև աշակերտներ դառնալու համար»,- ասաց Երիտասարդ կանանց գերագույն նախագահ Էմիլի Բել Ֆրիմանը։ «Երբ երիտասարդ կանայք և երիտասարդ տղամարդիկ սովորեն ուսումնասիրել, կիրառել և ապրել ուղեցույցում ներկայացված սկզբունքներով, նրանք բնականաբար ավելի կնմանվեն Քրիստոսին»։
«Երիտասարդներին զորացնելու համար» ամսագիր. Անհրաժեշտ է շաբաթական դասերի համար
Սկսած 2026 թվականի սեպտեմբերից՝ «Երիտասարդներին զորացնելու համար» ամսագրի յուրաքանչյուր համարի վերջին էջերում կտպագրվեն Երիտասարդ կանանց շաբաթական դասընթացներին և Ահարոնյան քահանայության քվորումի ժողովներին աջակցող ուսումնական նյութերը։
Համոզվելու համար, որ ընտանիքներն ունեն այս նյութերը, երիտասարդներին, ծնողներին և ղեկավարներին խրախուսվում է անվճար բաժանորդագրվել՝ հնարավորինս շուտ՝ magazines.ChurchofJesusChrist.org կայքին
Ամսագիրը նաև տրամադրում է վկայություններ, օրինակներ և պատմություններ, որոնք օգնում են երիտասարդներին կիրառել ավետարանի սկզբունքներն առօրյա կյանքում։ Յուրաքանչյուր համարի թվային օրինակները հասանելի կլինեն Ավետարանի գրադարանում՝ նախորդ ամսվա տասներորդ օրը։ Սեպտեմբերի ուսումնական ծրագրին ծանոթանալու համար սեղմեք այստեղ։
Պատրաստվել սովորելու, գործելու և դառնալու
FSY-screen-shot_AM-.png
Նրանք, ովքեր ցանկանում են ուսումնասիրել ԵԶՀ ուղեցույցը մինչև սեպտեմբերի 6-ը, կարող են օգտագործել Ավետարանի գրադարան հավելվածում հասանելի ուսումնական ծրագրիը։© 2026 by Intellectual Reserve, Inc. All rights reserved.Նրանք, ովքեր ցանկանում են ուսումնասիրել ուղեցույցը մինչև սեպտեմբերի 6-ը, կարող են օգտվել Ավետարանի գրադարան հավելվածում հասանելի ուսումնական ծրագրից: Ծրագիրը թույլ է տալիս անդամներին հետևել ավարտված գլուխներին, սահմանել ներհավելվածային ծանուցումներ և լսել յուրաքանչյուր գլուխ, որը ավտոմատ կերպով կնշի շաբաթվա ընթերցանությունը որպես ավարտված:
«Կենսատև աշակերտությունը սկսվում է ամենօրյա աշակերտությունից»,- ասաց Երիտասարդ տղամարդկանց գերագույն նախագահ Թիմոթի Լ. Ֆարնսը։ «Մինչ մենք հայացքներս ուղղում ենք 2026 թվականի սեպտեմբերին, եկեք արդեն այսօր սկսենք աղոթքով ուսումնասիրել ԵԶՀ ուղեցույցը և դրան ուղեկցող սուրբ գրությունները։ Քայլելով Նրա հետ, դուք կհայտնաբերեք, որ Հիսուս Քրիստոսը ձեր ուժն է։ Թույլ տվեք Նրան լինել ձեր ուղեցույցը՝ ձեր կատարած յուրաքանչյուր ընտրության մեջ»։
Սեպտեմբերի մոտենալուն զուգընթաց ավելի շատ տեղեկատվություն և ռեսուրսներ կշարունակվեն տրամադրվել։