Հիսուս Քրիստոսի Վերջին Օրերի Սրբերի Եկեղեցու Առաջին Նախագահությունը հրապարակել է Օսլոյի (Նորվեգիա) տաճարի գտնվելու վայրը, որը հայտարարվել է 2021 թվականի ապրիլին: Տաճարը կկառուցվի 3,2 հեկտար տարածքում, որը գտնվում է Նորվեգիայի Հվալստադ քաղաքի Սմեդսվինգեն և Ռավնսբորգվեյեն ճանապարհներին: Ըստ ծրագրի նախատեսված է մոտ 1000 քառակուսի մետր մակերեսով մեկ հարկանի տաճար՝ այցելուների հյուրանոցներով և ժամանման հարմարություններով:
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Օսլոյի (Նորվեգիա) տաճարը կլինի առաջինը երկրում և չորրորդը՝ Սկանդինավիայում։ Նորվեգիայի Վերջին Օրերի Սրբերը ներկայումս պետք է այցելեն Կոպենհագենի, (Դանիա) կամ Ստոկհոլմի (Շվեդիա) տաճարները:
Վերջին Օրերի Սրբերի առաջին միսիոներները Նորվեգիա ժամանեցին 1850-ականներին: Հազարավոր նորվեգացիներ միացան Եկեղեցուն հաջորդ մի քանի տարիների ընթացքում, որոնց մոտ կեսը ներգաղթեց Միացյալ Նահանգներ: Այսօր Նորվեգիայում ապրում են մոտ 4500 Վերջին Օրերի Սրբեր:
Տաճարի մանրամասն նախագծային ծրագրերը դեռ մշակման փուլում են: Ավելի ուշ կհրապարակվեն լրացուցիչ տեղեկություններ, ներառյալ արտաքին պատկերները: Հիմնարկեքի ժամկետները կհայտարարվեն ապագայում: Ծրագրի ղեկավարները շուտով քաղաքային պաշտոնյաների հետ կսկսեն աշխատել տաճարի նախնական ծրագրերի վրա և առաջիկա ամիսներին կսկսեն ներկայացնել հանրային փաստաթղթեր: