Այս պատմությունն այստեղ տեղադրվել է TheChurchNews.com-ի թույլտվությամբ։ Այլ լրատվամիջոցներ չեն կարող օգտագործել այն։
Ռեյչել Ստերզեր Գիբսոն, Church News
Բրիգամ Յանգ համալսարանի (BYU) բուժքույրական բաժնի ուսանողուհի Նադիա Դևոլի ընտանիքը գտնվում է Ուկրաինայում և նա աղոթել էր, որ հնարավորություն ընձեռվի ինչ-որ կերպ օգնել այնտեղ գտնվող մարդկանց:
Այդ հնարավորությունը տրվեց նրան, երբ վերջերս նա միացավ մի խումբ ուսանողների և դասախոսների BYU-ից՝ համալսարան, որը հովանավորվում է Հիսուս Քրիստոսի Վերջին Օրերի Սրբերի Եկեղեցու կողմից, ուսումնական ուղևորություն կատարելով դեպի Լեհաստան՝ ծառայելու Ուկրաինայի փախստականների կենտրոններում: «Ես անսահման երախտապարտ եմ, որ BYU-ի շնորհիվ ինձ միջոցներ և թույլտվություն է տրվել մասնակցելու այս նախագծին», - ասել է Դևոլը՝ հունիսի 13-ի BYU-ի լրահոսում:
Image 01
BYU-ի մի խումբ ուսանողներ և դասախոսներ 2023 թվականի մայիսին մեկնում են Լեհաստան՝ ծառայելու ուկրաինացի փախստականների կենտրոնում: Լուսանկար տրամադրել է «BYU photo»-ն՝ Church News-ի թույլտվությամբ:2023 by Intellectual Reserve, Inc. All rights reserved.Դևոլը, ով կիսով չափ ուկրաինացի է և վարժ խոսում է ռուսերեն, եղել է խմբի թարգմանիչը, երբ նրանք բժշկական օգնություն են ցուցաբերել, դասեր են անցկացրել առողջության և բարեկեցության վերաբերյալ և նվիրաբերել հազարավոր դոլարների բժշկական պարագաներ:
Այս տարվա ճամփորդության սերմերը տնկվեցին մեկ տարի առաջ, երբ Բուժքույրական քոլեջի դեկանը՝ Ջուլի Վալենթայնը, և Բուժքույրական քոլեջի պրոֆեսոր՝ Լեսլի Մայլսը, բուժքույրական բաժնի ուսանողների մեկ այլ խումբ տարան Լեհաստանի Վարշավա քաղաքը՝ օգնելու ուկրաինացի փախստականներին:
Image 02
BYU-ի մի ուսանող դասավանդում է Jednosc-ում՝ ուկրաինացի փախստականների կրթական և մշակութային կենտրոնում, 2023 թվականի մայիսի ուսումնական ուղևորության ժամանակ: Լուսանկար տրամադրել է «BYU photo»-ն՝ Church News-ի թույլտվությամբ:2023 by Intellectual Reserve, Inc. All rights reserved.Անցյալ տարվա ուսումնական ուղևորության մասին սոցիալական մեդիայի իր գրառման մեջ Վալենթայնը գրել է, թե ինչպես են ԲՅՀ ուսանողներն իրենց օրինակով ցույց տվել Բուժքույրական քոլեջի կարգախոսը՝ «սովորել Բժշկի արվեստը»:
«Բառերը չեն կարող նկարագրել նրանց հուսահատությունը, սարսափը, դիմացկունությունը, կարեկցանքը և հույսը», - գրել է նա Twitter-ի իր էջում այն բանից հետո, երբ իրենց խումբն այդ օրը 20 ժամ հոգ է տարել փախստականների մասին:
Շատ չանցած Մայլսն ու Վալենթայնը BYU-ի մամուլի հաղորդագրության մեջ հայտարարեցին, որ մտադիր են շարունակել օգնել ուկրաինացի փախստականներին: «Սրանով չենք ավարտում, և հումանիտար կարիքները շատ են», - ասել է Վալենթայնը 2022 թվականին:
Դևոլի և BYU-ի ևս մի քանի ուսանողների՝ Ջեդ Ֆուլերի, Նայլս Հերրոդի և Սայդի Քլարկի օգնությամբ նրանք ստեղծեցին շահույթ չհետապնդող կազմակերպություն, որը կոչվում էր Unity for Ukraine (Միություն հանուն Ուկրաինայի)՝ աջակցելու Jednosc մշակութային և կրթական կենտրոնի ջանքերին, որը ուկրաինացի ուսուցիչների կողմից ստեղծվել է փախստականներին օգնելու համար։
«Մենք ստեղծեցինք «Unity»-ն, քանի որ ցանկանում ենք, որ այս ուկրաինացի ուսուցիչները և նրանց դպրոցը բարգավաճի», - բացատրել է Դևոլը: «Նրանք օգնում են կանանց և երեխաներին, որոնց կյանքը գլխիվայր շրջվել է, և մենք ցանկանում ենք, որ նրանք հաջողեն»:
Ուսումնական ուղևորության այս տարվա խումբը՝ Վալենթայնի և Մայլսի հետ միասին իրենց ժամանակի զգալի մասը ծախսեցին Jednosc-ում՝ օգնություն առաջարկելով և դասեր ուսուցանելով: Նրանք դասեր էին անցկացնում սթրեսի և անհանգստության կառավարման, տրավմաները բուժելու, կենսական տվյալները ստուգելու միջոցով առաջին բժշկական օգնություն ցուցաբերելու վերաբերյալ, սփոփում էին նրանց անհատապես և մատակարարում էին բժշկական պարագաներ:
Մայիսի 18-ին սոցիալական ցանցերում կատարած իր գրառման մեջ Վալենթայնը կիսվել է BYU-ի մի ուսանողի լուսանկարով, որն անձամբ խոսում է փախստականի հետ: «Սպասավորել այդ «մեկին»։ ․․․ շատ կարիքներ կան, սակայն այդ «մեկին» ուրախացնելը կարևոր է», - գրել է նա։
Image 03
Սպասավորել այդ «մեկին»։ BYU-ի բուժքույրական քոլեջի ուսանող Ջուլի Վալենթայնը օգնում է ուկրաինացի փախստականների ապաստարանում:2023 by Intellectual Reserve, Inc. All rights reserved.BYU-ը վերջերս ավարտած Բրեննա Վիլկինսոնը, ով կենտրոնում աշխատելիս ծառայում էր որպես թարգմանիչ, BYU-ի մամուլի հաղորդագրության մեջ ասաց. «Ես ավելի խորը հարգանք և հեռանկար եմ ձեռք բերել մարդկային կյանքի նկատմամբ»:
Վիլկինսոնը հիշում է մի տղայի մոր հետ ունեցած իր զրույցը, ով պատմում էր իր որդու ունեցած տրավմայի մասին, երբ նրանք ստիպված էին փախչել իրենց երկրից:
«Ես խնդրեցի նրան պարզաբանել, որպեսզի համոզվեմ, որ ճիշտ եմ լսել այն, որ նրա մանկահասակ երեխան կրակոցներ և պայթյուններ է տեսել: Նա ուղիղ նայեց ինձ և ասաց. «Իհարկե»:
Վիլկինսոնն ասաց, որ իր փորձառությունները ԲՅՀ-ում, ներառյալ ուսումնական վերջին ուղևորությունը, օգնեցին նրան հասկանալ, թե ինչ կարող է ինքն անել ուրիշների համար, այլ ոչ թե միայն իր համար:
Լեհաստան կատարած ուղևորությունը Դևոլին օգնել է Քրիստոսանման սեր և բժշկում ցուցաբերել իր ապագա բուժքույրական կարիերայում, ասել է նա: «Ողբերգությունը մեծ է, բայց մեր կատարած աշխատանքը ոչ այնքան ողբերգության մասին է, այլ ավելի շատ մարդկային հոգու ուժի և օգնելու պարտավորության մասին է, քանի որ մենք մարդ ենք և դա լավ է»: